عيادة المسالك الدينية:

عيادة المسالك الدينية:

ناس مشايخ أحبابنا عندهم لجنة دينية لخدمة اﻷهالى ...
المهم جه وفتح جانبهم لزم الباب فى الباب دكتور مسالك بولية شهير جدا ...
أحبابنا المشايخ طول النهار يدخل عليهم أهالينا الطيبين بالغلط رغم اليفط المعلقة الكثيرة.
- هى دى عيادة المسالك ... الله يخليك الدكتور جه ...
- ﻻ يا جماعة دى لجنة دينية وظيفتها كذا وكذا ... وزاى ما حضرتك شايف اليفطة ...
اقترح عليهم أحدهم يغيروا اليفط ويخلوها : عيادة المسالك الدينية...
وأهو يستنفعوا من زبائن المسالك البولية بأى فائدة ويقوموا بوظيفتهم الدينية معهم ... علشان الناس ﻻزم تعرف أن الحفاظ على اﻷبدان ليس أهم من الحفاظ على اﻷديان ...
وأهو كلها مسالك فى النهاية مسالك دينية أو دنيوية أو صحية.

افتكرته فستان لفرح طلع كفن:

والدتى (71 عاما) وإحدى عماتى الباقيات (90 عاما) ربنا يعطيهم الصحة والعافية وطول العمر قاعدين يتكلموا معا ويختاروا فى ألوان ما سيرتدونه فوشيا ﻻ أخضر ﻻ أبيض ... أنت جبتى إيه ... طيب أنا ها أجيب ايه ... طيب وفﻻنة كانت جايبة ايه ...
قلت فى نفسى: أكيد رايحين فرح وعاملين بيختاروا ألوان المﻻبس اللى ها يلبسوها ... قلت احشر نفسى فى الحوار وأفهم هم عازمين يروحوا فين ان شاء الله ...
أتريهم حبايبى بينقوا ألوان اﻷكفان الخاصة بهم وبيجهزوها وفرحانين زاى ما يكونوا فعﻻ رايحين فرح ...
أمى : آه والله فرح أمال عاوزنا ندخل على ربنا وسيدنا النبى كده أى كﻻم ...
ربنا يرزقنا الطمأنينة دى والهدوء ده واﻹقبال ده على الموت كأنك رايح تتفسح فسحة العيد وﻻ رايح فرح.
ما هو عيد صحيح وفرح صحيح لمن استعد له صحيح.

سلوك عن سلوك تفرق

سلوك عن سلوك تفرق:
الحضارة الغربية الحديثة التى نعيش فى ظلها حضارة السلوك (جمع سلك) أمس قعدت حوالى عشرة دقائق أفك اﻻشتباك بين السلوك على  مكتبى بين عدة شواحن وماوس وسماعة وكاميرا ... . فعﻻ حضارة سلوك وكلما أوغلت فيها ازدادت سلوكك أو ﻻسلوكك من واى فاى وبلوتوث ...إلخ.
أما حضارتنا اﻹسﻻمية البائدة فهى حضارة سلوك (مصدر سلك يسلك سلوكا) حضارة السلوك الصوفى الرائق وتهذيب اﻷخﻻق.
وشتان بين السلوك المادية والسلوك المعنوى.
وحقا سلوك عن سلوك يفرق.

ثابت القول فى ملوخية نابت الفول

ثﻻثين سنة وأنا نفسى فيها
-
-
-
ثﻻثين سنة من ساعة ما ريا دلقتها على بتاع البيانولا وأنا بأسأل عليها
وأخيرا قررت أجربها بنفسى وعملت فيها شيف كبير ووقفت  المدام تساعدنى
بس أنا الشيف وهى مساعد الشيف عليها تقشير البصل والذى منه
ما حدش يفتكر أن الشيخ لبس المريلة ودخل يقشر البصل
بس على فكرة ده مش عيب برضه سيدنا النبى كان يساعد أهله فى بعض أعمال المنزل ففى السنة الصحيحة أنه "كان يكون فى مهنة أهله".

المهم نرجع لموضوعنا:
إنها الملوخية بالفول النابت
نجحت التجربة وطلعت أكلة تحفة ما حصلتش
أكلة مصرية شبه منقرضة لم أر أحدا يأكلها وﻻ ست من المصريات اللى حواليا بيعملها
اللهم اوصل بنا ما انقطع من أسانيد
وأحيى بنا ما ذهب من تراث
أنا ﻻزم أفتح مطعم لﻷكﻻت المصرية المنقرضة
ونحييها من جديد
وبعد الحوار مع اﻷحبة قررنا نضع عنوانا لهذه المقالة فى تلك الاكلة الشهية
نسميها: "ثابت القُول فى ملوخية نابت الفُول".
وممكن تحت تأثير داعش واللى بتعمله فى الناس يسميه بعضهم:
"قطع الحُلْقُوم فى ملوخية الفُول أبو زَلُّوم"
بس مش عارف ساعتها تبقى أكلة وﻻ معركة
أنا عاوزكم يا أزهرية يا بتوع البﻻغة تاخذوا بالكم من الجناس اللى فى العنوان اﻷول بين "ثابت - نابت" ، و "القول - الفول"، والسجع الذى بين "الحلقوم - زلوم".
أهو كده بقى عشاء وسنة وعلم ولغة، ما حرمناكمش من حاجة،  عرفنا سنة من سنن النبى صلى الله عليه وسلم فى مساعدة اﻷهل، وراجعنا درسين فى البﻻغة : الجناس والسحع.

وما طول البقاء وقد رحل الحبيب

وما طول البقاء وقد رحل الحبيب
فﻻ المصطفى بقى وﻻ الصديق

وما طول البقاء وقد أذن المشيب
بساعة تدنو أصير به عتيق

وما طول البقاء وهنا قليب
وبيت دود وﻻ رفيق

أنادى هلموا طال البقاء فهل تجيبوا

إذا مت فﻻ تبكونى

إذا مت فﻻ تبكونى
فحمزة قضى بﻻ بواكى

إذا مت فهئنونى
قد سرى الروح حيث التﻻقى

إذا مت فﻻ تنسونى
قد كنت يوما بينكم أناجى